Kryetari i Komunës së Dragashit, Bexhet Xheladini, ka pritur sot në një vizitë zyrtare komandantin e KFOR-it nga Komanda Rajonale e Perëndimit, kolonel Francesco Errico.
Në këtë takim, kolonelin Errico e mirëpritën edhe kryesuesja e Kuvendit Komunal, znj. Arijeta Skeraj, nënkryetari i Komunës, Resul Fetahu, si dhe drejtorët komunalë Qamil Kolloni, Zeni Krasniqi, Behar Brenoli dhe shefi i Zyrës për Komunitete, z. Uzair Hamza.
Banesat më të kërkuara në Prizren – Bëhu pronar në Foleja Residence!
Diskutimi u fokusua në ecurinë e bashkëpunimit ndërmjet KFOR-it dhe Komunës së Dragashit, me theks të veçantë në angazhimin e Njësisë së LMT-së në terren. Kryetari Xheladini shprehu falënderime për mbështetjen e vazhdueshme të KFOR-it dhe rolin e rëndësishëm të tij në përkrahje të institucioneve lokale.
“Vlerësojmë lart kontributin e Njësisë së LMT-së në Dragash, e cila në mënyrë të pandërprerë na ofron ndihmë dhe përkrahje. KFOR-i ka qenë gjithmonë një partner i besueshëm në përpjekjet tona për zhvillim dhe stabilitet”, tha Xheladini.
Nga ana e tij, kolonel Errico falënderoi për mikpritjen e ngrohtë dhe nënvizoi përkushtimin e vazhdueshëm për të thelluar bashkëpunimin me Komunën e Dragashit.
Ai theksoi se kjo ishte vizita e tij e dytë në Dragash gjatë mandatit, gjë që dëshmon për interesimin dhe përfshirjen e vazhdueshme të KFOR-it në mbështetje të sigurisë dhe zhvillimit në këtë komunë.
Takimi përfundoi me zotimin për vazhdimin e bashkëpunimit në fusha të ndryshme me qëllim të forcimit të lidhjeve ndërinstitucionale dhe rritjes së mirëqenies për qytetarët e komunës./PrizrenPress.com/
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
