Ndërpritet shfaqja e filmit me protagonistë Silvester Stallone dhe Arnold Schwarzenegger për shkak të disa fyerjeve në arabisht nga njëri prej personazheve, njoftoi sot e përditshmja “The National”.
Filmi amerikan “Evasion”, i ndaluar për spektatorin nën 18 vjeç, vë përballë njëri-tjetrit aktorët hollivudianë që cilët planifikojnë arratisjen nga një burg futurist.
“Në Dubai, spektatorët, të cilët u rimbursuan për biletat e tyre, u përballën me surprizën e fikjes së papritur të ekranit të kinemasë gjatë shfaqjes së filmit”, citon e përditshmja e Abu Dabit.
Kopjet e filmit u konfiskuan me kërkesë të Këshillit të Medias së Dubait dhe skena në fjalë u pre, ndërkohë që shfaqja e filmit u censurua në dhjetëra kinema të tjera.
Në shumë vende arabe, veprat kinematografike kalojnë përmes shërbimeve të censurës që heqin skenat erotike apo ato të konsideruara si ofenduese.