Dy aksidente kanë ndodhur në Suharekë. Sipas policisë, si pasojë e aksidenteve janë lënduar tetë persona.
Aksidenti i parë ka ndodhur në fshatin Samadraxhë ku një veturë “VW Jeta” duke u kyçur nga rruga dytësore në rrugën kryesore nga pakujdesia godet veturën “VW Golf”. Si pasojë e aksidentit lëndime trupore kanë pësuar katër femra dhe një mashkull të cilët janë dërguar për tretman mjekësor në Spitalin Rajonal të Prizrenit.
Kurse, aksidenti i dytë ka ndodhur në fshatin Reshtan, ku një kamionetë “VW” nga pakujdesia dhe mos përshtatja e shpejtësisë se lëvizjes me kushtet e rrugës ka goditur automjetin “Furgon Peugeot”. Si pasojë e aksidentit lëndime trupore kanë pësuar tre meshkuj të cilët kanë pranuar tretman mjekësor në QKMF Suharekë dhe më pas janë liruar në shtëpi. /PrizrenPress.com/