Kryeministri në detyrë dhe kryetari i Partisë Demokratike të Kosovës, Hashim Thaçi, sot mblodhi kryesinë e PDK-së dhe pas këtij takimi doli vet para mediave. Me shikim, qëndrim dhe fjalë prej ngadhnjimtari ai sot në fakt pos që lavdëroi “konceptet e djathta” të PDK-së e LDK-së pokështu sqaroi diçka esenciale dhe kjo ka të bëjë me dy elemente.
Citati i dy mesazheve të Thaçit sot:
“Diskutuam për hapat e mëtutjeshëm për përshpejtimin e implementimit të procesit zgjedhor, pra ndërtimit të institucioneve të reja të Republikës së Kosovës, institucione këto të dala nga zgjedhjet e 8 qershorit, dhe duke respektuar gjithmonë edhe vendimin e Gjykatës Kushtetuese”.
Që dmth. fitues ishte PDK dhe vendimi i Gjykatës Kushtetuese i ka dy “bishta”- sepse para se PDK-së t’i jepte të drejtë të kishte kryeparlamentarin ishte Jahjaga ajo që e kishte pyetur po atë Gjykatë se kush mund të bëjë kryeministrin- e kjo së pari është Partia fituese e zgjedhjeve.
Prandaj nuk duhet çuditur që nervoza e dalngadalshme e LDK-së se “marrëveshja prishet” nëse Kryeministër nuk do jetë Mustafa po dëgjohet bukur si shpesh. Thaçi dhe PDK ende s’kanë folur. Dhe kur të flasin do të shihen të gjitha marrëveshjet e deritashme të arritura me gojë. Për ato mes shkrim- qoftë para tre vitesh mes Dell-it, Thaçit-Mustafës e Pacollit e dijmë që kurrë s’u realizuan. Jemi kurioz këso radhe të shohim… /Gazeta Blic