Kryesuesi i Asamblesë Komunale, Kujtim Gashi tha se ka qenë konstruktive, takimi i Komitetit për Politikë dhe Financa .Ai tregoi se në këtë takim janë shqyrtuar 10 pikat e rendit të ditës për mbledhjen e ardhshme të Kuvendit.
“Në këtë mbledhje ndër pikat më interesante që parashihen të shqyrtohen në seancën e Kuvendit, ishin propozim-rregullorja për organizimin administrativ të fshatrave, vendbanimeve dhe lagjeve urbane si dhe kërkesa e banorëve të Lubizhdës, për rregullimin e varrezave në këtë lokalitet”, tha Gashi.
Në seancën e XII-të e Kuvendit të Prizrenit e cila do të mbahet ditën e enjte me fillim nga ora 10, do të shqyrtohen edhe këto pika të rendit të ditës:shqyrtimi i propozim-vendimit për këmbimin e pronës së paluajtshme të Komunës më pronën e paluajtshme të personit juridik “ K group”, rikonfigurimi i KPF-së dhe Komitetit të Komuniteteve,shqyrtimi i propozimit të Planit Lokal Mjedisor të Veprimit 2014-2015 dhe raporti rreth realizimit të buxhetit të Komunës për periudhën janar – shtator 2014.
Mbledhja e Kuvendit Komunal mbahet të enjten me 27 nëntor të këtij viti./PrizrenPress.com/