Organizata Joqeveritare “EC Ma Ndryshe”, do të shpallë të hënën fillimin e peticionit ‘’Qytetarët e Prizrenit kundër degradimit të qytetit”.
Drejtori Ekzekutiv i “Ec Ma Ndryshe”, Harullah Çeku tha se konferenca rreth peticionit do të mbahet në ora 11:00 në sheshin “Shatërvan” në Prizren.
“Në këtë konferencë do të prezentohen kërkesat të cilat i përmban peticioni i cili do t’i drejtohet kryetarit të ardhshëm / kryetares së ardhshme të Komunës së Prizrenit. Ky peticion është edhe një iniciativë e “EC Ma Ndryshe” për të siguruar rend urbanistik në Prizren dhe mbrojtur trashëgiminë kulturore”, tha Çeku./PrizrenPress.com/