Në një intervistë familjare për revistën “Shije”, gazetarja dhe shkrimtarja e njohur Rudina Xhunga zbulon sekretin e saj të fillimvitit.
Një libër i ri. Xhunga është autorja e katër librave, njëri prej të cilëve, “Preja”, është edhe bestselleri i parë shqiptar.
Libri i ri do të prezantojë shumë intervista me shkrimtarët e Nobelit. Shkrimtarët bashkëkohorë, më të mirë të shekullit, janë intervistuar nga Rudina Xhunga dhe libri do të jetë së shpejti në treg.
Ai që po e vonon daljen, duket të jetë Edi Rama, i cili tregoi në emisionin “Opinion”, nga Blendi Fevziu, të kësaj të enjteje, se ishte duke bërë parathënien e librit të Rudinës dhe po i pëlqente shumë ky libër.
Sapo kryeministri të mbarojë, me siguri do të kemi një surprizë në librari. Dhe çfarë surprize! Më të mirët e shekullit, bashkë, në një libër SHQIP.