Ish-drejtori i Drejtorisë së Punës dhe Mirëqenies Sociale në Prizren, Edmond Hoxha thotë se Prizreni nuk duhet të bllokohet nga pushteti dhe as nga subjektet politike.
“Prizreni nuk duhët të bllokohet për shkak të mos funksionimit të Asamblesë Komunale. Pushteti duhët ta ndalë arrogancën në qeverisje ku kërkesat e asambleistëve nuk merren parasysh, kurse shfrytëzohen vetëm si mekanizëm votues”, shkruan ai në Facebook.
Hoxha pati dhënë dorëheqje pas daljes së AAK-së nga kooalicioni me PDK-në.
Ai është zyrtar i AAK-së.
“Vlerësoj si shumë të rëndësishme që Aleanca për Ardhmërinë e Kosovës – dega në Prizren, ka filluar bashkëpunimin me subjektet politike në asamblenë komunale të Prizrenit, të ndërtoj një opsion real, që garanton zhvillim ekonomik dhe perspektivë për qytetarët e komunës së Prizrenit”.
“Gjithashtu vlerësoj jashtëmase gatishmërinë e subjekteve politike për koordinim të veprimeve dhe aktiviteteve në të mirë të qytetarëve”./PrizrenPress.com/