17.8 C
Prizren
E martë, 16 Korrik, 2024

Emetohen pullat postare në nderim të artistit Simon Shiroka

Në kuadër të tematikës arti pamor, Filatelia e Postës së Kosovës lëshon sot në qarkullim tri pulla postare me pamje të veprave të artistit tonë Simon Shiroka.

 “Krijimtaria e tij artistike zë një vend të merituar jo vetëm në artin pamor shqiptar por edhe në artin ndërkombëtar.

Motivet e krijimeve të tij burojnë nga trashëgimia kombëtare. Rozeta, skulptura, arti bashkëkohor, piktura, maska dhe grafika, janë kategoritë në të cilat ndahet arti i Simon Shirokës. Kritikët i vlerësojnë si art mahnitës veprat e filigranistit prizrenas të punuara me argjend, ari, bakër dhe materiale të tjera. Punimet e tij u përdorën edhe për zbukurim të veshjeve tradicionale shqiptare”, thuhet në kominikatën e Postës së Kosoves, duke u shtuar se valltari, gruaja e vetmuar, fyelli i okarinës, maska, figura abstrakte e skica me ngjyra dhe bardhezi zënë vend në veprat e tij të shumta, që vazhdojnë të ruhen me dashuri e kujdes të veçantë nga familja e tij.

 “U lind më 1927 në Prizren, ndërkaq ndërroi jetë në vitin 1994, në Prishtinë. Pamjet për pullat postare janë siguruar nga familja Shiroka, të cilën Posta e Kosovës e falënderon përzemërsisht.

 

 Veprat e artistit tonë janë prezantuar në ekspozita të ndryshme kolektive dhe individuale, e nga sot, përmes shërbimit postar, do të ekspozohen gjithandej në botë. Kjo na bën jashtëzakonisht krenar”.

Më Shumë

Të dhënat e regjistrimit të popullsisë: Rajoni i Prizrenit në vitin 2024 ka 50 mijë banorë më pak se në vitin 2011

Agjencia e Statistikave të Kosovës (ASK), të premten, ka publikuar rezultatet preliminare të regjistrimit të popullsisë, ekonomive familjare dhe banesave për vitin 2024, përfshirë...

Zirkzee do t’i kushtojë Manchester United 61 milionë euro

Ka raportime në Itali se kostoja e vërtetë që Manchester United po paguan për Joshua Zirkzee mund të arrijë në 61 milionë euro, por...

Lajmet e Fundit