Një futbollist është goditur për vdekje me thikë në një klub nate në Britaninë e Madhe. The Guardian shkruan se dy persona janë arrestuar si autorë të dyshuar të krimit të rëndë.
Cody Fisher, 23 vjeç, u sulmua për vdekje në klubin e natës Crane në Birmingham, pak para mesnatës të së hënës. Mësohet se policia ka arrestuar dy të rinj në qendër të këtij qyteti për sulmin, përkatësisht 22 vjeç dhe 21 vjeç. Sipas policisë së West Midlands ata ndodhen në paraburgim për t’u marrë në pyetje. I riu u qëllua me thikë teksa po kërcente dhe ndërroi jetë 30 minuta pasi mori goditjet.
Fisher ishte lojtar i skuadrës së Stratford Town FC dhe ende nuk ka informacion për shkakun e sulmit ndaj tij./tvklan.al