Pas mospajtimeve ndërmjet LDK-së dhe AAK-së për postin e kryeministrit janë rritur gjasat për krijimin e një koalicioni qeverisë nga PDK dhe LDK. Kështu ka vlerësuar drejtori ekzekutiv në Lëvizjen “Fol”, Petrit Zogaj në një prononcim për gazetën “Zëri”. Sipas tij gjasat që Blloku VLAN shpërbëhet janë rritur pas mosmarrëveshjeve ndërmjet subjekteve brenda këtij Blloku.
“Kombinim i formulave është se LDK do të jetë pjesë e Qeverisë, pa marrë parasysh me cilin krah, por besoj që do të jetë pjesë e një kombinim të Qeverisë së ardhshme, ndoshta edhe duke udhëheq me kryeministrin.
Është problematike të shihet një bashkëpunim ndërmjet PDK-së dhe AAK-së, për më shumë, tashmë PDK-ja nuk e donë AAK brenda koalicionit. Dhe gjasat që të ketë një koalicion PDK – LDK janë më të mëdha sesa që të ketë një koalicion LDK, AAK, Nisma e VV”, ka deklaruar Zogaj për gazetën “Zëri”.