Ylli amerikan i filmit, Mickey Rooney, ka ndërruar jetë. Legjenda e industrisë së filmit në Holllywood, është gjetur i vdekur në moshën 93 vjeçare, i rrethuar nga familja në shtëpinë e tij.
Komandanti i policisë në Los Angeles, Andrew Smith, ka njoftuar se Rooney ka ndërruar jetë të dielën (të hënën në mëngjes sipas kohës evropiane) pranë familjarëve të tij, në shtëpinë e tij në veri të Hollywoodit.
Ai la pas një trashëgimi të gjallë në Hollywood, që u shtri në 80 vjet dhe disa qindra filma, duke përfshirë “Boys Town” dhe “The Black Stallion”. Shkëlqimi i tij Do të vërehej qysh në vitet 1930-1940.
Gjatë karrierës së tij 80 vjeçare, Rooney ka luajtur në më shumë se 200 filma. Por më së shumti njihet për rolin e tij në serialin Andy Hardy.
Ai në vitin 1944 ka qenë aktor në filmin “National Velvet”, së bashku me aktoren Elizabeth Tailor.
Rooney ishte i martuar tetë herë. Martesa e tij e parë ishte me Ava Gardner.