Mbi 70 botues do të marrin pjesë në Panairin e 26-të ndërkombëtar të librit, i cili prej nesër deri më 14 prill do të mbahet në Arenën Metropolis në Panairin e Shkupit, me sipërfaqe të përgjithshme prej 3.000 metra katrorë. Motoja e këtij viti është “Panairi i librit – panair për dashurinë ndaj fjalës së shkruar”. Panairin sonte në orën 19 do ta hap ministrja e Kulturës Elizabeta Kançevska-Milevska.
Në stenda me çmime të panairit do të shiten librat nga produksioni më i ri botues në Maqedoni dhe botimet e përkthyera, zhanre të ndryshme, letërsi shkencore, enciklopedi dhe fjalorë, libra për fëmijë… Organizatorët – Panairi i Shkupit dhe Shoqata e Botuesve dhe Librarive të Maqedonisë (SHBLM) paralajmëruan pjesëmarrje edhe të botuesve të huaj – Bullgaria, Shqipëria, Serbia (e prezantuar nga Biblioteka kombëtare), Italia dhe Suedia (nëpërmjet ambasadave të tyre në Shkup) dhe Hungaria (Instituti Balashi nga Budapesti dhe Lektorati për gjuhë hungareze pranë Fakultetit filologjik “Bllazhe Koneski”).
Gjatë shtatë ditëve të manifestimit të panirit do të ketë promovime të përditshme dhe lexim në Qendrën promovuese të galerisë në Arenën Metrolpolis. Më 12 prill SHBLM do t’i ndajë edhe çmimet tradicionale për botimin më të mirë mes dy panaireve, librin më të shitur të Panairit dhe çmimin për shitësin e librave më të mirë të vitit në Maqedoni.
Organizatorët presin vizitë të madhe, duke marrë parasysh edhe çmimin simbolik të hyrjes – 30 denarë dhe 20 denarë për vizitat grupore.
Me rreth 40.000 vizitorë, Panairi i librit është manifestimi i dytë më atraktiv i Panarit, pas panairit të mobilieve, i cili është më i vizituari. Panairi i librit do të punojë prej orës 10 deri në orën 20.