Persona të panjohur kanë grabitur para në Qendrën Tregtare “ABI”, e cila gjendet afër Spitalit të Prizrenit.
Shuma e parave të vjedhur ende nuk dihet.
Zëdhënësi i Policisë në Prizren, Vesel Gashi, ka konfirmuar vjedhjen që ka ndodhur në këtë qendër tregtare.
“Policia është duke hetuar rastin e vjedhjes”, tha Gashi për “PrizrenPress”.
Vjedhja ka ndodhur mbrëmë, pas orarit të punës.
“Policia po i mbledh të gjitha provat për t’i zbuluar hajnat”, tregon ai.
Ndërkaq, një punëtor i Qendrës Tregtare “ABI” me kush anonimiteti, ia ka treguar “PrizrenPress”-it, se hajnat kanë vjedhur para.
Nuk është hera e parë që Qendra Tregtare “ABI”, që gjendet afër Spitalit të Prizrenit, të ketë qenë cak i hajnave.
Vitin e kaluar në hapësirën e kësaj qendre tregtare, hajnat patën vjedhur një bankomat me para./PrizrenPress.com/