Kryetari i Aleancës për Ardhmërinë e Kosovës (AAK), Ramush Haradinaj ka bërë me dije se janë duke punuar së bashku me LDK-në dhe NISMA për Kosovën për përcaktimin e 100 veprimeve emergjente të qeverisjes Haradinaj.
Ai në profilin e tij në “Facebook”, ka kërkuar sugjerime edhe nga qytetarët.
“Së bashku me grupet punuese jemi në punë e sipër të përcaktimit të 100 veprimeve emergjente qeverisëse për 100 ditshin e parë, si dhe 100 prioriteteve qeverisëse. Këto veprime do ta kthejnë njëherë e përgjithmonë besimin në shtet. Idetë dhe sugjerimet nga ana e juaj janë të mirëseardhura. Komunikimi dhe pjesëmarrja e juaj na ndihmon për t’i kuptuar dhe renditur më mire këto veprime dhe prioritete”, ka thënë Haradinaj.