Kryetari i PDK-së, Hashim Thaçi ka takuar sonte strukturat e partisë në Prizren. Para të pranishmeve, Thaçi ka thënë se zgjedhjet lokale do të mbahen në vitin 2017, kurse ato nacionale më 2018, raporton Indeksonline.
Këtë Thaçi e ka thënë duke iu përgjigjur opozitës e cila kërkon zgjedhje ta parakohshme.
Në anën tjetër, nënkryetarët e PDK-së, Kadri Veseli dhe Enver Hoxhaj e kanë prezantuar Thaçin si president të ardhshëm të Kosovës.
Kjo ka nxitur edhe duartrokitje të gjata të të pranishmeve.
Hashim Thaçi pritet të nominohet zyrtarisht kandidat për president i Kosovës në konventën e PDK-së që pritet të mbahet së shpejti. /Indeksonline/