Robin Haxhi Krasniqi ka fituar titullin EBU, pasi ka mposhtur rusin Sanislav Kashtanov.
Lufta e zhvilluar në Munich të Gjermanisë për titullin kampion i ka takuar djalit nga Juniku.
Pas 12 rundeve të gjata, triumfues doli Krasniqi, i cili mundi një nga boksierët më të suksesshëm të kësaj kategorie, shkruan gazetametro.net.
Fillimin e meçit më mirë e nisi Krasniqi, duke plasuar më shumë goditje të suksesshme në drejtim të kundershtarit, e nga 12 runda vetëm 2 ose 3 i takuan rusit, duke bërë kështu që juria me vendim unanim të shpallë fitues Krasniqin.
Gjatë meçit nuk ka munguar përkrahja e tifozëve për Krasniqin, duke brohoritur emrin e tij, “fitore” e duke kënduar “O sa mirë me qenë shqiptar”.
Festa e fitores së Krasniqit, në sallë është shoqëruar edhe me daulle e këngë shqip. /gazetametro.net