Bashkëdyzimet mes Task Forcës së Dick Martyt në hetimin që po udhëhiqet nga prokurori amerikan Clint Williamson dhe prokurove të EULEX-it, të cilët në sirtar mbajnë dosjet e UNMIK-ut, kishin nxjerrë përfundimin për një Tribunal të veçantë që do të merrej me krimet e luftës
Themelimi i një Gjykate Speciale për krimet e supozuara të luftës, si temë numër një e këtyre ditëve në Kosovë, sipas burimeve ndërkombëtare në Prishtinë, ka një histori të veçantë – shkruan gazeta Tribuna.
Kur Task Forca u formua në bazë të pretendimeve të Këshillit të Europës mbi supozimet e Dick Martyt për trafik organesh, kishin sjellë si nevojë bisedimet me autoritetet e ndjekjes penale të EULEX-it, aty kishin dalë shumë raste që nuk lidheshin me “shtëpinë e verdhë”, pro të cilat pretendoheshin nga UNMIK-u e më pas EULEX-i se kanë mbetur pezull. Bëhej fjalë për raste të dyshuara për krime lufte, kanë thënë këto burime. EUELX gjatë mandatit të vet kishte zhvilluar hetime e madje edhe procese gjyqësore për raste të dyshuara për krime lufte, por ato mendohej se nuk ishin mbyllur me rezultate të pritura. Në radhë të parë prokurorët kishin konstatuar se në Kosovë nuk ka kushte sigurie për procese gjyqësore ku si akterë kryesorë do të ishin dëshmitarët e mbrojtur.
Së dyti, kishin konstatuar se ka një infrastrukturë deri diku të mirë ligjore, por nuk ka ambient politik për procese në të cilat aktorë do të ishin pjesëtarët e UÇK-së. Pengesë kryesore ishin politikanët në Kosovë dhe njerëzit e fuqishëm të UÇK-së të cilët pas luftës kanë arritur të krijojnë fuqi të mëdha politike e biznesore, andaj edhe ndikimi i tyre në Kosovë është shumë i madh. Kështu që bashkëdyzimet mes Task Forcës së Dick Martyt në hetimin që po udhëhiqet nga prokurori amerikan Clint Williamson dhe prokurove të EULEX-it, të cilët në sirtar mbajnë dosjet e UNMIK-ut, kishin nxjerrë përfundimin për një Tribunal të veçantë që do të merrej me këto krime.