Lidhja Demokratike e Kosovës në Prizren, ka reaguar për vonesën e krijimit të qeverisë së re “Muja III”.
Haziz Hodaj tha se Muja nuk po mund të formojë qeverinë e re për shkak përçarjeve të brendshme të partisë në pushtet.
“Derisa në shumicën e Komunave janë konstituar organet udhëheqëse të Kuvendeve dhe organet ekzekutive, Komuna e Prizrenit po bënë sehir kinse çdo është në rregull”
“ Si duket problemi rreth ndarjes së pushtetit ende pa u nisur në rrugëtimin e premtuar ka hasur në pengesat e ndarjes së kulaçit . Aty po bëhet një garë kush më tepër po e tërheq këtë kulaç dhe kush po mundet me e zhvatë më shumë nga ai”
“ Kërkojmë nga MAPl, Qeveria e Kosovës dhe nga Kryeministri Hashim Thaçi, që të vijë në Prizren siç vinte për çdo ditë të tetorit dhe nëntorit dhe t’ua tërheq vërejtjen autoriteteve lokale të Prizrenit që të kryejnë obligimet ligjore dhe statutare dhe të zgjedhin organet drejtuese të Komunës, ose Kryeministri ta bëjë vetë si zakonisht qeverinë lokale pasi që ka vendosur njerëz të pa aftë në detyrat përkatëse”.
“Komuna e Prizreni është e zhytur në borxhe , e zhytur në obligime të tjera komunale, e përfolur dhe përballur edhe me drejtësinë ,ka nevojë më tepër se asnjë komunë tjetër të ketë në krye të dikastereve lokal njerëz të përgjegjshëm dhe të përgatitur të përballen me këto dukuri negative”.
“Qytetarët e Prizrenit presin fillimin e realizimit të projekteve të premtuara dhe milionat e Kryeministrit në mënyrë që jeta e tyre të jetë me e mirë dhe më e rehatshme. Fatkeqësisht sinjalet e para janë shumë dëshpëruese në këtë drejtim”./PrizrenPress.com/