7.8 C
Prizren
E hënë, 26 Shkurt, 2024

Hoxhaj: ShBA-të partner i përjetshëm i Kosovës

Hoxhaj-Yee-shbaMinistri i Punëve të Jashtme i Republikës së Kosovës, Enver Hoxhaj, gjatë vizitës zyrtare që po zhvillon në Shtetet e Bashkuara të Amerikës, është takuar me zëvendës asistentin e sekretarit të Shtetit të ShBA-ve, Hoyt Yee.

Hoxhaj e njoftoi Yee për zhvillimet në Kosovë, progresin e gjithanshëm që po arrihet në konsolidimin e brendshëm të shtetësisë dhe fuqizimin e subjektivitetit ndërkombëtar.

Gjatë bisedës, Hoxhaj dhe Yee u fokusuan në intensifikimin e bashkëpunimit bilateral, bashkëpunimin për anëtarësimin e Kosovës në organizata ndërkombëtare, përparimin në agjendën euroatlantike si dhe të arriturat në dialogun me Serbinë.

Zëvendës asistenti i sekretarit të Shtetit të ShBA-ve, Hoyt Yee, ka shprehur mbështetjen e SHBA-ve për shtetin e Kosovës dhe proceset euroatlantike.

Gjatë takimit, ministri Enver Hoxhaj po ashtu ka shprehur mirënjohjen e Qeverisë dhe popullit të Kosovës për përkrahjen e vazhdueshme të ShBA-ve, duke theksuar se Shtetet e Bashkuara të Amerikës do të jenë partner i përjetshëm strategjik i Republikës së Kosovës. /PrizrenPress.com/

Më Shumë

182 vite nga lindja e shkrimtarit gjerman, Karl May-t

Karl Friedrich May (25 shkurt 1842 – 30 mars 1912) ishte një shkrimtar gjerman. Karl May lindi më 25 shkurt 1842, në një familjeje tejet të varfër, nga një...

Vetëvendosje: Mungesa e koordinimit, pasojë për bizneset në rrugën “De Rada” të Prizrenit

Asamblistët e Lëvizjes Vetëvendosje!, Dafina Alishani, Selman Sokoli dhe Ilir Gashi, kanë vizituar bizneset në rrugën 'De Rada', ku po zhvillohen punimet e ndërtimit...

Lajmet e Fundit