-0.2 C
Prizren
E premte, 27 Janar, 2023

Indeksi i Fuqisë Globale: Kosova dhe Shqipëria ngriten në rënditje të fuqisë ushtarake, Serbia pëson rënie

Indeksi i Fuqisë Globale 2023, i hartuar nga Global Fire Power e rendit Kosovën në vendin e 134-të nga 140 shtete të marra në studim, sa i përket fuqisë së tyre, ushtarake dhe njerëzore.

Krahasuar me studimin e një viti më parë, Kosova ka përmirësim në pesë shkallë. Në 2021 renditej e 139-ta në botë, ndërsa tani ndodhet në renditjen 134-të – duke lënë prapa, Panamanë, Republikën e Afrikës Qendrore, Islandën, Sierra Leone, Beliz, Surinami, Somalinë, Moldavinë, Beninin dhe Butanin.

Shqipëria renditet më në vendin e 91, duke u ngritur për 24 vende në renditje, krahasuar me vitin 2022, që ishte në vendin e 115-të.

Serbia është e pozicionuar në vendin e 58, duke pësuar rënie për katër shkallë. Kroacia renditet e 69-ta në total sipas studimit, Bosnja e Hercegovina renditet në vendi e 133-të ndërsa Mali i Zi në vendin e 128 dhe Maqedonia në vendin e 108-të.

Ndërsa 10 vendet me ushtritë më të fuqishme të botës, sipas listës, përfshihen SHBA, Rusia, Kina, India, Britania e Madhe, Koreja e Jugut, Pakistani, Japonia, Franca e Italia.

Indeksi është hartuar në bazë të një metodologjie komplekse, e cila merr në konsideratë më shumë se 50 faktorë të ndryshëm.

Në veçanti shihet në këtë studim: numri i ushtrisë, numri i tankeve, anijeve, avionëve dhe pajisjeve të tjera ushtarake, niveli i financimit të sferës ushtarake, infrastruktura e transportit të vendit, qasja në produktet e naftës dhe faktorë të tjerë që mund të ndikojnë në aftësinë luftarake të ushtrisë.

Indeksi hartohet nga Global Fire Power, e njohur për publikimet statistikore në fushën e ushtrisë, logjistikës, resurset natyrore dhe ato financiare etj.

Indeksi nuk përfshin armët bërthamore./Telegrafi

Më Shumë

AAK-ja kërkon që vlera e koeficientit të jetë 130 €, në të kundërtën e dërgon në Kushtetuese

Aleanca për Ardhmërinë e Kosovës (AAK) ka paralajmëruar se do ta dërgojë në Gjykatën Kushtetuese Ligjin e Pagave nëse vlera e koeficientit është nën...

Ngacmohet seksualisht një 28 vjeçare në Prizren

Një 28 vjeçare është ngacmuar seksualisht në Prizren. Ajo ka kërkuar ndihmë nga policia. Prokuroria ka filluat hetimet.    

Lajmet e Fundit