13.8 C
Prizren
E shtunë, 2 Mars, 2024

IPK dorëzon kallëzim penal ndaj policit që rrahu të arrestuarin në stacionin e policisë në Prizren

Një video e cila ka qarkulluar në media gjatë së enjtes, shihet një polic duke vepruar dhunshëm ndaj një personi të arrestuar.

Rasti ka ndodhur me datën 17.01.2021, në stacionin e policisë së trafikut në Prizren.

Lidhur me këtë, Inspektorati Policor (IPK) ka thënë për Telegrafin se ka pranuar ankesë nga një qytetar i cili ankohej për tejkalim të autorizimeve policore gjatë përdorimit të forcës nga zyrtarë policorë në Prizren.

“Rasti është regjistruar në IPK dhe hetuesit janë angazhuar duke ndërmarrë veprime konkrete hetimore”, thuhet në përgjigjen e IPK-së.

Tutje Inspektorati Policor thekson se pas disa veprimeve hetimore në konsultim me prokurorinë kompetente, hetuesit e IPK-së kanë dorëzuar kallëzim penal ndaj një zyrtari policor.

“IPK ka dorëzuar kallëzim penal pasi zyrtari policor dyshohet se kanë kryer veprën penale “keqtrajtim gjatë ushtrimit të detyrës zyrtare” si dhe në interes të hetimit është dhënë rekomandimi për suspendim  nga detyra”, ka thënë IPK për Telegrafin.

Më Shumë

Moti për sot i vranët dhe me reshje shiu

Për të dielën parashikohet të mbajë mot kryesisht i vranët, ku pritet lokalisht të ketë reshje të pakta shiu. Era do të fryjë nga juglindja,...

Mish dhe ndryshk

Asgjë nuk ishte më absurde, sureale, e paarsyeshme, e kotë, e tepërt, se ushtria, shkolla, puna, shoqëria, arti, kultura, ekonomia, partia, ideologjia, të gjitha...

Lajmet e Fundit