Iniciativa Qytetare Për Malishevë (IQPM) dhe Lidhja Demokaratike e Kosovës(LDK), kanë vendosur që garës për balotazh t’i hyjnë pa koalicione me partitë e tjera politike.
Kandidati i IQPM-së për kryetar të Malishevës, Ragip Begaj, ka thënë se edhe pas rezultatit definitive është vendimi i subjektit që në rundin e dy të garës të hyjë vetë. “Ashtu si e kemi pasur koalicionin me qytetarin do të vazhdojmë të garojmë në të njëtin koalicion pa e kërkuar mbështetjen e subjekteve të tjera politike”, ka thënë Begaj, shkruan KD.
Edhe kandidati i LDK-së për kryetar të Malishevës, Salih Morina,e ka thënë të njëtën gjë. “Kryesia ka marrë vendim që të garojmë si LDK”, ka thënë Morina.
Kryetari i PDK-së, Isni Kilaj, ndërkaq ka thënë se IQPM-ja dhe LDK-ja nuk kanë kërkuar deri më tash mbështetje për balotazh. /PrizrenPress.com/