Behgjet Pacolli dhe Jakup Krasniqi. I pari ish-president, e i dyti pretendues i zjarrtë që të ulet në karrigen e të parit të vendit, kanë nisur një betejë fjalësh në rrjete sociale. Polemika ka të bëjë pikërisht me postin e presidentit që ka dalë të jetë “mollë sherri” mes këtyre dyve.
Më 22 shkurt të vitit 2011 Behgjet Pacolli mori 62 vota, katër kundër dhe një ishte e pavlefshme, duke u zgjedhur president i vendit. Kreu i Kuvendit nuk ishte pajtuar as atëherë me qëndrimin e partisë së tij të atëhershme PDK-së dhe edhe gjatë seancës kishte bërë deklarata kundërshtuese si “pauza ishte e suksesshme”, shkruan Tribuna.
Disa javë më pas, Kushtetuesja konstatoi se në procesin e votimit për zgjidhjen e presidentit të Kosovës medoemos duhet të jenë të pranishëm në sallë 2/3 e deputetëve e që në rastin e zgjedhjes së Pacollit president nuk ka pasur kuorum të mjaftueshëm. Pra u lejua të shkelet Kushtetuta e vendit nga kreu i Kuvendit i cili lejoi që votimi të bëhet pa qenë 2/3 e deputetëve në sallë. /Tribuna/