Rep artisti i njohur dhe mentori i këngëtares me prejardhje nga Barbados Rihannës, Jay Z, ka ardhur në përfundim se është koha që këngëtarja e famshme të ndërpresë shprehitë e saj të pahijshme, e sidomos të ndalojë me propagandën e lules së kanabisit
Me sjelljen dhe zhveshjen e saj, këngëtarja Rihanna ka nervozuar edhe mentorin e saj, rep artistin Jay Z, i cili i ka çuar ‘selam’ duke kërkuar nga ajo të bëhet më serioze, sepse në të kundërtën ai do të ndalë bashkëpunimin me të.
Pas paraqitjes së saj kontroverse, me fustan të tejdukshëm për të cilin me ditë të tëra është folur, rep artisti është shprehur, se këngëtarja po sillet si të jetojë në Geto, ndërsa ka thekuar se aspak më i mirë nuk është as fjalori i saj. Ai ka ardhur në përfundim se është koha që këngëtarja të bëhet më serioze, të ndalojë me sjellje të pahijshme e sidomos të ndaloj rreptësisht propagandimin marihuanës.
Gjithashtu, sipas asaj çfarë thonë miqtë e tij, Jay Z e ka lutur edhe bashkëshorten e tij, këngëtaren e njohur Beyonce që të flasë me Rihannën dhe ta mësojë se si duhet të sillet një femër. Në fund, njëri prej producentëve më të famshëm në botë, yllit nga Barbados i ka thënë që nëse ajo nuk ndryshon, bashkëpunimi i tyre mund të ndërpritet.