Jennifer Lopez edhe njëherë provon magjinë e saj si artiste. Në videon e re Jlo shfaqet “sexy” si gjithmonë, duke mos zhgënjyer me performacat e saj dhe protagonisti kryesor kësaj radhe është modeli i “Dolce& Gabbana”, David Gandy.
Veshjet e përzgjedhura për “First Love” evidentojnë format e saj të mrekullueshme. Videoja fillon me një rrëfim të Lopez sesi të gjejmë dashurinë e vertetë, më pas shfaqet modeli David Gandy me një motorr që vjen drejt saj.
“Unë e dija që duhet të lija botën pas për të gjetur kush isha. E dija që dashuria kurrë nuk do më kërkonte mua, por duhet ta kërkoja unë atë. E dija që po të lija gjithçka pas do të të gjeja”, thotë JLo në video.
Klipi është xhiruar në shkretëtirën e Kalifornisë në fillim të muajit maj. Një burim për MailOnline tha, “Kimia mes Jennifer dhe David ishte e mrekullueshme”.
Ndërsa vetë JLo, në një intervistë radiofonike tha: “David është një djalë i jashtëzakonshëm dhe kemi kaluar shumë kohë të bukur teksa xhironim”.
“First Love” është “single” më i ri i albumit “A.K.A” të artistes Jennifer Lopez, që pritet të dalë në treg më 17 qershor.