21.4 C
Prizren
E martë, 17 Qershor, 2025

Kacin: Beogradi t’i motivojë serbët që të inkuadrohen në institucionet kosovare

JelkoKacinRaportuesi për Serbinë në Parlamentin Evropian, Jelko Kacin i ka bërë thirrje Beogradit që t’i motivojë serbët e veriut që të inkuadrohen në institucionet e Kosovës. Eurodeputeti Kacin për të përditshmen ‘Danas’, ka thënë se Beogradi duhet të sigurohet se të gjithë policët edhe shërbyesit e tjerë shtetërorë, të jenë të informuar me materien e marrëveshjes se Brukselit.

”Beogradi duhet të jetë i sigurt që të gjithë policët, por dhe nëpunësit tjerë shtetërorë të jenë tërësisht të informuar për të drejta e tyre dhe për mundësitë që dalin nga Marrëveshja e Brukselit. Vetëm një pjesëtar i policës nga bashkësia serbe është paraqitur në konkursin që ka shpallur Policia e Kosovës. Duhet inkurajuar njerëzit të pranojnë mundësi të reja dhe kështu ata të sigurojnë të ardhmen në Kosovë”, ka thënë Kacin .

Kacin ka vlerësuar se me miratimin e Ligjit për rrjetin e gjyqeve praktikisht janë suspenduar gjyqet e Serbisë në Kosovë si dhe gjyqet që kanë pasur kompetenca mbi Kosovën.

Beogradi e Prishtina duhet të bëjnë edhe më shumë përpjeke të përbashkëta për ta mundur krimin në veri të Kosovës i cili atje ka metastazuar gjatë vakuumit juridik me vite e në hije të të ashtuquajturave struktura paralele, ka thënë Kacin.

Për Kacinin, zbatimi i Marrëveshjes së Brukselit është çelës i përparimit ë Serbisë në integrimet evropiane.

Më Shumë

Hamdi Bytyqi kandidat i LVV-së për kryetar të Therandës

Lëvizja Vetëvendosje ka zyrtarizuar Hamdi Bytyqin si kandidat për kryetar të Komunës së Therandës në zgjedhjet lokale që do të mbahen në vjeshtë. Kliko videon: https://www.facebook.com/PrizrenPress/videos/10046792598768386 Njoftimi...

Nëse Thaçi shpallet fajtor, edhe unë qenkam kriminel

Deputeti i Partisë Demokratike të Kosovës, Nait Hasani, ka hedhur kritika në drejtim të institucioneve shtetërore, lidhur me heshtjen sa i përket të drejtave...

Lajmet e Fundit