Kandidati i Vetëvendosjes për kryetar të Malishevës, Alban Krasniqi të premten ka vizituar fshatin Shkozë.
Ai vizitën e filloi me nderime para Lapidarit të UÇK-së dhe martirëve të Shkozës, në shenjë respekti për luftën e UÇK-së dhe bashkëluftëtarët.
Pas homazheve që ka barë, Krasniqi i shoqëruar nga Safet Mazreku, Bekim Gashi dhe Muhamet Bytyçi, vazhduar me takime me qytetarë nëpër fshat, duke ndaluar në një nga dyqanet e fshatit për bashkëbisedim.
Banorët e Shkozës iu ankuan kandidatit për mungesën e investimeve në këtë fshat, për papunësinë dhe për mungesën e perspektivës. Ata patën ankesa për kanalizimin qe nuk është përfunduar për rrjetin e dobët energjetik dhe mungesën e planifikimit në përgjithësi.
Kandidati i VV-së Alban Krasniqi, është zotuar para banorëve të këtij fshati u zotua se do të vazhdojë takimet me qytetarë dhe se beson shumë të fuqia e qytetarëve për ndryshim. Po ashtu qytetarët folën për mungesën e ujit, për mungesën e transparencës dhe për injorim nga pushteti aktual.
Kandidati Alban Krasniqi vizitoi edhe një fermer, i cili merret me rritjen e bagëtive dhe nga ai u informua se s’ka pasur asnjë investim në sektorin e bujqësisë dhe blegtorisë, sektor ky që lehtë mund të jetë shumë i suksesshëm dhe me mundësi për rritje e zhvillim në këtë fshat. Kandidati për kryetar u zotua se me ndryshimet që do të vinë si rezultat i angazhimit qytetar, pas datës 3 nëntor, edhe për Shkozën si fshat i komunës tonë, do të vinë shumë projekte që janë shumë me interes për qytetarët dhe do të bëjnë Shkozën fshat me perspektivë dhe të zhvilluar./PrizrenPress.com/