Drejtori i Inspektorateve në Prizren, Bedri Bytyçi ka mohuar lajmin se Komuna e Prizrenit ka ndërprerë për një afat të pacaktuar rrënimin e objekteve pa leje.
“Nuk është e vërtetë se Komuna nuk ka buxhet për të vijuar me rrënime, por se një gjë e tillë është ndërprerë për shkak të motit të ftohtë dhe procedurave që janë duke i ndjekur organet përkatëse për matjen e hapësirave të objekteve të ndërtuara”, ka thënë ai për TVPZ.
Bytyçi edhe një herë potencoi se nuk do të ketë lëshime për objektet e uzurpuara dhe ato që janë bërë tejkalime gjatë ndërtimeve. /PrizrenPress.com/