33.8 C
Prizren
E mërkurë, 19 Qershor, 2024

Këshilli Organizativ në Malishevë për shënimin e festave të qershorit mbajti takimin e parë

keshilli organizativ ne malsihevKëshilli Organizativ për shënimin e 16 Qershorit, Ditës së Çlirimit dhe Ditës së Dëshmorëve të Komunës së Malishevë, i formuar ditë më parë nga Kuvendi i Komunës dhe i udhëhequr kryetari i Komunës, Ragip Begaj, ka mbajtur sot mbledhjen e parë të punës, ku është biseduar me të gjithë anëtarët e këtij këshilli për organizimin e datës më të rëndësishme për Malishevën.

“Kryetari dhe Qeveria Komunale, do të jenë të angazhuar maksimalisht, gjatë këtyre ditëve, për organizimin sa më të mirë të Ditës së Çlirimit dhe Ditës së Dëshmorëve të Malishevës, ndërsa nga ju kërkoj që të jepni propozimet dhe mendimet e juaja, për formën e organizimit, për çmimet tradicionale dhe për çështje tjera që kanë të bëjnë me organizimin e kësaj date”, tha mes tjerash kryetari i Malishevës dhe kryetari i Këshillit Organizativ, Ragip Begaj.

Nga ana tjetër, të gjithë anëtarët e këtij këshilli, që ishin prezent në mbledhjen e parë, u dakorduan që të angazhohen maksimalisht, në mënyrë që organizimi të jetë sa më madhështor, për ditën më të shenjtë për Malishevën, ditë e cila lidhet me datën e rënies së dëshmorit të parë më 16 qershor 1998, ditën e çlirimit të Malishevës më 16 qershor 1999 dhe rënies së dëshmorit të fundit më 16 qershor 1999.

Ndërsa përfaqësuesi i Policisë së Kosovës, tha se policia do të jetë e angazhuar dhe e përkushtuar që çdo gjë të shkoj mirë dhe të mos prishet atmosfera festive.

Anëtar të këshillit organizativ, janë: kryetari i Komunës së Malishevës, kryesuesi i KK të Malishevës, përfaqësues të partive politike, të organizatave të dala nga lufta e UÇK-së, shoqëria civile dhe Policia e Kosovës.

 

Më Shumë

Kryetari i LDK-së në Prizren ngushëllon familjen e Metë Shatrit

Kryetari i Degës së Lidhjes Demokratike të Kosovës (LDK) në Prizren, Driton Selmanaj, ka shprehur ngushëllimet e tij të sinqerta familjes së veprimtarit dhe...

Syla dëshiron që me Suharekën ta mposhtë Ballkanin

Futbollisti i Suharekës, Ilir Syla, ka dëshirë për të arritur fitore ndaj rivalit të qytetit, Ballkanit. Suhareka që nga edicioni i ri do të garojë në...

Lajmet e Fundit