Ka përfunduar seanca e sotme për rastin “Kleçka”. Prokurori Maurizio Salustro dhe Karim Khan kanë përfunduar fjalët e tyre përfundimtare në këtë proces gjyqësor.
Prokurori Salustro në fjalën e tij përfundimtare ka thënë se ka prova të mjaftueshme që të akuzuarit në rastin “Kleçka” të shpallen fajtorë. Kurse, avokati i Fatmir Limajt, Karim Khan nëpërmjet video-linkut nga Haga, ka thënë se fjala përfundimtare e prokurorit Salustro ka qenë e mbushur me spekulime dhe trillime kundër Fatmir Limajt. Po ashtu, avokati Khan ka thënë se fjala përfundimtare e Salustros ishte shumë më e dobët sesa ajo e gjykimit të kaluar, ku Fatmir Limaj dhe të tjerët ishin shpallur të pafajshëm,shkruan Epoka e re
Duke folur për të ndjerin Agim Zogaj, avokati Khan e ka quajtur atë dëshmitar të pabesueshëm. Në fund të fjalës së tij përfundimtare, Khan ka kërkuar nga kryetari i trupit gjykues që Fatmir Limajn ta lirojnë nga të gjitha pikat e aktakuzës.
Më 10 shtator mbahet seanca e radhës për rastin “Kleçka”.