Ministria e Jashtme e Kinës ka paralajmëruar se do të aplikojë sanksione ndaj zyrtarëve të SHBA-së, përfshirë edhe senatorët Ted Cruz e Marc Rubio, duke filluar nga sot, shkruan agjencia Reuters.
Ky vendim është reagim ndaj lëvizjes së Washingtonit të premten për të vendosur sanskione ndaj 12 zyrtarëve nga Hong Kongu dhe Kina, që akuzohen se kanë shtypur liritë politike në Hong Kong.
Muajin e kaluar, Kina kishte njoftuar sanskione kundër Cruzit, Rubios dhe zyrtarëve tjerë amerikanë, pasi Washingtoni kishte ndëshkuar zyrtarë të lartë kinezë për trajtimin e myslimanëve uighur në rajonin Xinjiang.