Klubi i Futbollit të Femrave “Liria” e Prizrenit, ka shënuar fitore me rezultat 3:0, kudër “Heroinave” të Dranasit.
Ndeshja është zhvilluar sot në Boka të Korishës.
Pjesa e pare u dominua plotësisht nga vendasit.
Futbollistja Anita Musaj, në këtë pjesë shënoi dy gola.
Ndërsa, goli i tretë është shënuar nga Drenusha Zogaj.
Ky golë është shënuar 15 minuta para përfundimit të ndeshjes.
Femrat nga Prizreni në pjesën e dytë luajtën me një lojtare më pak pasi që Anita Musaj u ndëshkua me karton të kuq.
Trajneri i Klubit të Futbollit të Femrave “Liria” e Prizrenit, Naif Jahaj, u shpreh i kënaqur me rezultatin e vajzave.
“Mbrojtja e udhëhequr nga Blerta Popaj dhe Leonora Qabrati ishte në nivel të lartë dhe arriti të evitojë çdo tendencë të kundërshtarit që shkonte në drejtimin e portës së nikoqirit”, tha ai.
Jahaj tregon se kjo është fitorja e tretë .
“Pas disa vështirësive ekipi po konsolidohet dita ditës dhe kjo është fitorja e tret në Superligë”, tregon Jahaj.
“Shpresojmë që ditëve në vazhdim do të bëjmë më të mirën sepse ekipi do të ngritët në mënyrë të vazhdueshme. Synojmë që në sezonin vjeshtor të arrijmë nivelin mesatar sepse tani më nuk jemi ekipi më i dobët i Superligës ashtu siç ishte sezonin e kaluar”, shprehet Jahaj./PrizrenPress.com/