Qeverisja Mustafa, rrugës së ish-qeverisë “Thaçi 1 e 2”
Deputeti Salihaj: “Nuk mund të qeverisësh me të këqijtë e të thuash po qeverisi mirë”
“Ky koalicion po e mbron status kuon me shprehitë e tyre të vjetra, që tregohet me vetë faktin se nuk kemi pasur aktakuza të ndonjë rasti korruptiv të profilit të lartë prej kur e kanë marrë pushtetin. Të dy partitë mos të harrojmë se edhe në koalicionin PDK-LDK 2007-2010 kanë filluar ta zaptojnë dhe shtrijnë ndikimin në sistemin e drejtësisë në Kosovë”, tha Ariana Qosaj-Mustafa nga KIPRED-i
Për 6 muaj të qeverisjes Mustafa në koalicion me PDK-në, akoma nuk është parë asnjë sinjal serioz se ekzekutivi i ri do të ketë një qasje më të mirë, të ndryshme nga qeverisja e keqe, e inkriminuar që e ka instaluar PDK-ja në mandatin ‘Thaçi 1 dhe 2’. Tanimë kjo është një bindje edhe te zyrtarët e LDK-së, që dikur i besuan Isa Mustafës në premtimet se do të qeverisë me duar të pastra.
“Unë nuk shoh mundësi që seriozisht të ndryshojë mënyra e qeverisjes dhe çrrënjosja e krimit dhe korrupsionit, kur e gjithë struktura e kriminalizuar dhe e korruptuar është aty brenda. E palogjikshme është që krimi, korrupsioni dhe keqqeverisja të çrrënjosen kur i ke të gjitha këto brenda dhe këta aktorë i trajton si partnerë në qeverisje. Prandaj edhe nuk vërejmë asnjë përpjekje për luftimin e krimit dhe korrupsionit, pothuajse është ruajtur status-kuoja në këtë aspekt”, tha deputeti i LDK-së, Adem Salihaj për ‘Kosova Sot’. Ai ka pohuar se nisur nga këto fakte edhe e ka kundërshtuar ashpër që nga fillimi këtë koalicion. “Nuk mund të qeverisësh me të këqijtë e të thuash po qeverisi mirë”, tha Adem Salihaj për ‘Kosova Sot’…