Komuna e Prizrenit ka shpërndarë 180 bursa për studentët e dalluar në drejtime të ndryshme si pjesë e angazhimit të saj për mbështetje të arsimit dhe zhvillim të kuadrove të kualifikuara. Kontratat me një numër të studentëve përfitues janë nënshkruar të mërkurën në zyrën e kryetarit të Komunës.
Drejtoresha e Arsimit, Luljeta Veselaj-Gutaj, theksoi rëndësinë e investimit në arsim si një hap të qëlluar për krijimin e kuadrove më të përgatitura që kontribuojnë në zhvillimin e shoqërisë.
Ajo nënvizoi se mbështetja e studentëve është një segment kyç për rritjen e cilësisë në arsim.
“Njëri prej segmenteve që i jep fuqi dhe e ngritë cilësinë në arsim është edhe mbështetja e studentëve”, tha Veselaj-Gutaj.
Kryetari i Komunës, Shaqir Totaj, shprehu se qeveria lokale e konsideron arsimin si një prioritet shumë të rëndësishëm.
“Duke i përkrahur studentët, përkrahim të ardhmen,” tha Totaj. Ai theksoi se investimi në edukim dhe rini është esencial për zhvillimin e qëndrueshëm dhe prosperitetin e të rinjve./PrizrenPress.com/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
