20.8 C
Prizren
E mërkurë, 17 Gusht, 2022

Komuna e Rahovecit përgatitet për Festivalin e Rrushit

Latifi-festivali i rrushitKomisioni për organizimin e Festivalit të rrushit, verës, ushqimit dhe kulturës, mbajti takim ku shqyrtuan idetë për organizim sa më të mirë të këtij festivali tradicional.

“Këtë vit organizimi pritet të jetë më i mirë dhe se pjesëmarrjen në këtë festival e kanë paralajmëruar shumë asociacione e ndërmarrje të ndryshme vendore e ndërkombëtare. Puna për organizimin e Festivalit ka kohë që ka nisur dhe gjatë tre muajve është bërë punë e madhe që të informohen agjencitë turistike në Shqipëri, Mal të Zi, Maqedoni, madje edhe në Austri. Presim që numri i vizitorëve të jetë i madh këtë vit”, tha Baki Hoti, kryetar i Shoqatës së Turizmit Alternativ të Kosovës (SHTAK)

Ndërsa, drejtori i Drejtorisë për Ekonomi dhe Zhvillim, Musa Cena potencoi nevojën e shtrirjes së bashkëpunimit me të gjitha shoqatat në Rahovec, institucionet komunale dhe partnerët strategjik të komunës së Rahovecit. “Tashmë është krijuar një traditë dhe përvojë e mirë, prandaj jemi të bindur se këtë vit do të kemi një ngjarje të bujshme festive”, tha Cena.

Kurse, kryetari i shoqatës së verëtarëve “Enologjia”, Nevzat Haxhijaha tha se kjo shoqatë është e gatshme të ofrojë gjithë kapacitetet teknike, materiale e njerëzore, në mënyrë që Festivali të jetë sa më madhështor.

“Besojmë se në këtë mënyrë Rahoveci do të arrijë të promovojë më mirë vlerat e veta kulturore, trashëgiminë e pasur dhe prodhimet e veta cilësore. Ne mbetemi në funksion të kësaj dhe po bëjmë gjithçka që kjo ngjarje të bëhet ngjarja kryesore vjetore”, tha Haxhijaha.

Në takim morën pjesë edhe përfaqësues të qendrës rinore, përfaqësuesi i projektit të BE-së “Rrugët e verës”, si dhe të bodrumeve të verës.

Sivjet gjendja e rrushit është shumë e mirë, ndërsa vreshtarët pohojnë se edhe sasia e cilësia do të jenë të kënaqshme. Në rajonin e Rahovecit me vreshtë janë të mbjella rreth 2300 ha./PrizrenPress.com/

Më Shumë

Plagoset nga një plumb qorr një grua në Prizren

Një grua është goditur nga një plumb qorr, derisa ishte afër një parkingu te tregu ‘Fatoni’ në Prizren, shkruan Gazeta Sinjali. Ngjarja ka ndodhur para...

Gruaja në Prizren pret venat pasi u grind me bashkëshortin që s’e la të shkojë te motra e saj

Një ngjarje e rëndë ka ndodhur të dielën në Prizren, ku një grua ka tentuar t’i japë fund jetës së saj. Burimet e Gazetës Sinjali...

Lajmet e Fundit