Enciklopedia e arkeologjisë botërore njeh trashëgiminë e shtetit të Kosovës.
Të gjithë ata që do të kenë në dorë librin “Encyclopedia of Global Archaeology” (Enciklopedia e arkeologjisë botërore) do të lexojnë se Kosova është një vend i pasur arkeologjik.
Krahas kësaj, në botimin njëmbëdhjetë vëllimësh me 8.013 faqe e 2.619 ilustrime jepen edhe të dhëna për shkatërrimit e shumë objekteve të trashëgimisë kulturore të Kosovës në luftën e fundit.
E kësisoj prezantohet edhe Manastiri i Deçanit, njëri prej katër objekteve, të cilin UNESCO-ja qysh prej vitit 2003 e ka marrë nën mbrojtje si trashëgimi kulturore të Serbisë.
Veç kësaj, aty zë vend edhe çështja e artefakteve, të cilat i mori Serbia tash 15 vjet.
Autori i kapitullit për Kosovën, Jahja Drançolli, thotë se ndër të tjera ky është një hap pozitiv në ndërkombëtarizimin e Kosovës.
Prezantimi i Kosovës në këtë enciklopedi zë 11 faqe.