Kandidati i LDK-së për kryetar të Prizrenit, Eqrem Kryeziu, ka filluar të mobilizohet për zgjedhjet lokale të 3 nëntorit të këtij viti. Ai për nesër ( e shtunë), ka ftuar në një takim përfaqësuesit e të gjitha nëndegëve të LDK-së në Prizren.
Zëdhënësi i LDK-së në Prizren, Nderim Gashi tha se qëllimi i takimit të kandidatit për kryetar të Prizrenit, Eqrem Kryeziut me nëndegët e LDK-së, është mobilizimi për t’i fituar zgjedhjet. “Në këtë takim do të diskutohet për mënyrën e mobilizimit për t’i fituar zgjedhjet në nëntor”, tha Gashi për “PrizrenPress”. Sipas tij, LDK-ja në Prizren në këtëo zgjedhje do të hyjë e mobilizuar dhe e bindur në fitore.
Kandidati i LDK-së për kryetar të Prizrenit, Eqrem Kryeziu, takimin me përfaqësuesit e nëndegëve të LDK-së do të mbajë në ora 12:00./PrizrenPress.com/