Kandidati i LDK-së për kryetar të Prizrenit, Eqrem Kryeziu, ankohet se subjekti i tij politik nuk i ka punët mirë me media. Sipas tij, LDK-ja për shkak mungesës së buxhetit nuk është prezente në media, ashu siç janë partitë e tjera politike.
“LDK-ja nuk i ka punët mirë me media, sepse nuk ka pare. Fakti pse nuk kemi para është përparësi e jona, sepse ne mund t’i hargjojmë parat tona e pasi s’kemi nuk mund t’i marrim askujt haraç si ata të tjerët”, tha Kryeziu. Ai tha se LDK-ja do të fitojë me 3 nëntor, pavarësisht raporteve jot ë mira me media. Kryeziu është takuar me elektoratin në lagjen “Ganimete Tërbeshi”.Ai në këtë takim ka folur për zhytjen në korrupsion të Kosovës.
“Milionat që vidhen ndikojnë drejtëpërdrejt , që disa familje të mos kenë bukë me ngrënë. Korrupsioni institucional ndikon drejtëpërdrejt, që asnjë kapital i madh kurrë mos me ardh në Kosovë dhe kurrë mos me pas përparim ekonomik”Kryeziu tha se qytetarët po kërkojnë ndryshimin e gjendjes aktuale në vend./PrizrenPress.com/