13.8 C
Prizren
E mërkurë, 17 Prill, 2024

“Ku…çka…”, fiton 3 çmimet kryesore në “Ditët e Komedisë Shqiptare”

Elmaze NuraShfaqja “Ku…Çka..” është shpërblyer me 3 çmime në “Ditët e Komedisë Shqiptare”, në Preshevë. Regjizorja Elmaze Nura ka marrë çmimin si regjisorja më e mirë, Mentor Zymberaj u shpall aktori më i mirë kryesor i festivalit dhe Florentina Ademi fitoi si aktorja më e mirë kryesore për rolin e saj. Për Zymberajn është çmimi i dytë si aktori më i mirë, pas festivalit të Ferizajt.“Patëm rastin të shohim një shfaqje të kompletuar me të gjitha komponentët.

Kjo është një satirë e kohës e cila duket në shikim të parë që është e lehtë, mirëpo brenda saj ndodhet një filozofi e thellë, e cila nuk i përket vetëm jetës së artistëve, por mund të aplikohet në secilën fushë të shoqërisë”, tha Josif Papagjoni, kritik teatri.

“Ka qenë një lojë e mrekullueshme e tri aktoreve dhe aktorit kryesor, por kjo nuk do të kish ndodhur pa magjistaren që e ka bërë regjinë”, tha ai.

“Patëm rastin që të shohim një shfaqje që për 1 orë e 15 minuta, që komunikoi shumë mirë me publikun, falë një teksti, regjie dhe loje të mrekullueshme të aktorëve”, tha dramaturgu Nebi Islami. Ai ka rikujtuar se shfaqja tjetër e Nurës, “Lisistrata”, ka marrë kritikat

më të mira në histori të teatrit shqiptar që ka marrë ndonjëherë jashtë vendit (në festivalin EXPONTO në Slloveni”).

“Ku..çka..” po e ndjek rrugën e saj me këtë prezantim të suksesshëm dhe vlerësimet për të janë të larta. “Kritiku dhe udhëheqësi i kritikës në festivalin ndërkombëtar “Risto Shishkov” në Strumicë të Maqedonisë, Goce Ristevski, tha se kemi të bëjmë me në shfaqje moderne në të gjitha segmentet realizuese dhe kreative, duke filluar nga teksti, regjia,

koreografia, skenografia, dhe loja brilante e aktorëve”, ka vlerësuar kritiku Ristevski.

Kjo është një lojë brilante e Mentor Zymberajt në këtë shfaqje të mrekullueshme. E kësaj duhet ti shtohet edhe fakti se është bashkëautor I këtij teksti me qasje të mrekullueshme regjisoriale të Elmaze Nurës dhe me lojë mjeshtërore të treshes së aktorëve”, ka thënë Bllagoje Stefanovski, president i rrjetit teatror NETA.

Shfaqja “Ku..çka”, një produksion i Teatrit “Dodona” në Prishtinë, dhe vetëm për katër muaj, qe nga premiera është prezantuar në gjashtë fëstivalë ndërkombëtare dhe mbarëkombëtare, si në Klaipeda (Lituani) Strumicë dhe Kumanovë ( Maqedoni), Gjakovë dhe Ferizaj ( Kosovë) dhe këtë herë në Luginën e Preshevës.

Ky ishte edicioni i dhjetë që u mbajt në Shtëpinë e Kulturës “Abdullah Krashnica” në Preshevë, i Festivalit të dramës “Ditët e Komedisë Shqiptare – Presheva 2013”. Festivali u mbajt nga data 5 deri me 9 nëntor dhe në të morën pjesë teatro nga mbarë trojet shqiptare, nga Kosova, Shqipëria dhe Maqedonia.

Më Shumë

Kujtimi im për Enverin e Kosovës

Blerim Latifi Kam qenë vetëm gjashtë vjeç, por kujtesa fotografike e atyre ditëve vazhdon të mbetet ende shumë e gjallë tek unë. Në shtëpinë tonë...

Vedat Muriqi luan sot kundër liderit të La Ligë

Real Madridi do të luajë në udhëtim te Mallorca e Vedat Muriqit dhe do ta kërkojë vazhdimësinë e rezultateve pozitive në garën për titull...

Lajmet e Fundit