9.8 C
Prizren
E premte, 29 Mars, 2024

Kurti: Dialogu nuk duhet të ndërtohet mbi harta

Kandidati i LV-së për kryeministër të vendit, Albin Kurti ka thënë ka thënë se para normalizimit të raporteve Kosovë – Serbi në kuadër të dialogut, duhet së pari të bëhet normalizimi i vet Serbisë.

Në një diskutim të organizuar nga instituti “Wilson Center”, Kurti ka theksuar nevojën që dialogu të jetë një proces i cili bazohet në përmbajtjen e marrëveshjes, e jo në ngutinë për ta arritur atë.

“Dialogu nuk duhet të ndërtohet mbi harta dhe mbi harta nuk duhet të ketë presidentë rrotull si në të kaluarën. Parakusht për normalizimin e raporteve mes Republikës së Kosovës dhe Serbisë, duhet të jetë normalizimi i vetë vendeve nëpërmjet këtij procesi. Serbia nuk është një vend demokratik, ajo refuzon të ballafaqohet me të kaluarën, prandaj ky proces dialogues i ndërmjetësuar nga BE dhe ShBA, së pari do të duhej ta normalizonte Serbinë”, ka shkruar Kurti në facebook.

Sipas Kurtit ‘synim përfundimtar i këtij procesi do të duhej të ishte përmirësimi i jetës së qytetarëve dhe jo kompensimi i Serbisë për humbjet që i pësoi regjimi gjenocidal i Milosheviqit në vitet e ’90-ta’.Kryetari i LV-së, i ka cilësuar si referendum zgjedhjet e 14 shkurtit, duke përmendur edhe ndryshimet që do të bëhen nga këto zgjedhje.

“Përmirësimi i situatës socio-ekonomike të vendit është i mundur vetëm nëpërmjet zhvillimit ekonomik, që varet edhe nga investimet e jashtme direkte, me theks tek ato nga diaspora e vendit tonë. Në 20 vitet e fundit, këto investime u pamundësuan nga korrupsioni i lartë e krimi i organizuar i elitës së vjetër”, ka shkruar Kurti.Kurti ka përmendur edhe reformën në drejtësi si një hap i domosdoshëm.

“Prandaj, reforma në drejtësi dhe sundimi i ligjit janë parakushte për zhvillimin ekonomik. Pjesëmarrësit i njoftova se të gjitha këto hapa janë paraparë në Alternativën Qeverisëse të Lëvizjes VETËVENDOSJE!, e cila ndërtohet rreth dy kërkesave bazë të qytetarëve: Punë dhe Drejtësi”, ka shkruar tutje Kurti.Zgjedhjet e parlamentare në Kosovë pritet të mbahen më 14 shkurt. KQZ, të premten nuk e ka certifikuar listën e kandidatëve të LV-së, kjo pasi që vet kryetari i saj si dhe 5 kandidat të tjera kanë probleme me ligjin.Për këtë LV i është drejtuar PZAP-së që sot pritet të publikoj vendimin për këtë ankesë.

Më Shumë

Ish-zëvendësministri për vrasjet në Kosovë: Duhet të angazhohet edhe AKI-ja, kjo është shndërruar në problem kombëtar

Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve. Ai tha se pjesën...

Pas 26 vjetësh zbuluan se nuk kishte vdekur, stërnipi i Isa Boletinit tregon si i shpëtoi ekzekutimit nipi 19 vjeçar

Gazmend Boletini, stërnipi i Isa Boletinit, foli në detaje rreth historisë së familjes së tij, kryesisht për pasardhësit e kësaj familje. Ai zbuloi në ndër...

Lajmet e Fundit