Në mbledhjen e sotme plenare, Kuvendi i Kosovës, pas pikave të zakonshme të rendit të ditës: Koha për deklarime jashtë rendit të ditës dhe Koha për pyetje parlamentare, do të hidhet në votim Projektrezoluta për pengimin e migrimit ilegal të qytetarëve të Kosovës.
Në vijim do të shqyrtohen edhe tri propozime:
Propozimi për formimin e Komisionit ad hoc për përzgjedhjen e anëtarëve të Komisionit të Pavarur për Media, propozimi i Grupit Parlamentar të Lëvizjes Vetëvendosje për emërimin e anëtarit në Komisionin Parlamentar dhe ai i Grupit Parlamentar të Listës Serbe për zëvendësimin e anëtarit në Komisionin Parlamentar.