Kryesuesi i Asamblesë Komunale në Prizren, Kujtim Gashi, e ka vlerësuar të suksesshme punën gjashtë mujore të legjislativit. Ai tha se brenda gjashtë muajve janë mbajtur nëntë seanca të Asamblesë.
“ Vlerësoj se në gjashtë muajt e parë të këtij viti, Asambleja Komunale në Prizren ka kryer punë të suksesshme. Brenda kësaj kohe janë mbajtur 9 seanca të Asamblesë, numër ky mjaft i mirë”, tha Gashi.
Sipas tij, në pjesën e parë të këtij viti, Asambleja Komunale në Prizren, ka marrë vendime të rëndësishme për qytetarët dhe qytetin.
“ Në këto seanca janë marrë shumë vendime të rëndësishme për qytetin dhe qytetarët e Prizrenit”, tha Gashi.
Ai premton se edhe në pjesën e dytë të këtij viti, Asambleja Komunale në Prizren, do të punojë dhe marrë vendime për të mirën e qytetarëve.
“Shpresoj që edhe në pjesën e dytë të këtij viti,Asambleja Komunale në Prizren, do të punojë me këtë ritëm të mirë”, tha Gashi. /PrizrenPress.com/