Dega e LDK-së në Malishevë mbajti tubimin elektoral në Guriq. Të pranishëm në këtë tubim ishin, deputetja e Kuvendit të Kosovës Hikmete Bajrami, kryetari i Degës Januz Kastrati, kandidati për kryetar Komune Salih Morina, anëtarë të Kryesisë së Degës si dhe kandidatë për Asamble Komunale. Kryetari i Degës Januz Kastrati para të pranishmëve tha se ndihet i nderuar që gjendet në Guriq në vendëlindjen e dëshmorëve Nuhi Mazrekut, Hidajet Mazrekut dhe Hazir Guriqit.
“LDK-ja në këto zgjedhje ka kandidatin më të mirë për kryetar komune nga të gjithë të tjerët e ai është Salih Morina” tha Kastarti.
Sipas tij, Salihu është njëri nga bashkëpunëtorët e ngushtë të akademik Isa Mustafës.
“ Ai është njeri i përgaditur, me përvojë politike, për këtë jemi të sigurt se me 3 nëntor pa balotazh do të jetë kryetar i Komunës së Malishevës”
Kandidati për kryetar të Komunës Salih Morina është shprehur I bindur se LDK-ja në Malishevë me 3 nëntor do t’i fitojë zgjedhjet.
“Deri më tani kemi vizituar shumicën e fshatrave dhe në të gjithë këto po shprehet një zhgënjim i qytetarëve për pushtetin aktual dhe për këtë duhet të behët ndryshimi me LDK-në në pushtet. Guriqi është një nga fshatrat që ka dhënë shumë gjatë luftës dhe është e pa nderëshme që kaq vite pasë luftës në këtë fshatë nxënësit tuaj të mësojnë në një shkollë, e cila nuk plotëson as kriteret minimale. Shihet qartë se kryetari aktual nuk ka investuar as edhe një projekt në Guriq”. /PrizrenPress.com/