Kryetari i Nismës për Kosovë, Fatmir Limaj bashkë me kryetarin e BD-së Zafir Berishën kanë hapur fushatën zgjedhore edhe në Prizren.
Limaj e Berisha u kanë bërë thirrje qytetarëve të këtij qyteti që të dalin në mënyrë masive në zgjedhje dhe të votojnë Nismën për Kosovë.
Ata fushatën zgjedhore e kanë hapur në lagjen “Tusus” të Prizrenit.
“Prizreni e ka rastin që fuqishëm të organizohet për të përcjellë mesazhin e ndryshimit drejt Prishtinës”, tha Limaj.
Ai tha se prizrenasit duhet të voyojnë njerëzit që mbrojnë interesat e qytetarëve.
“Mos i votoni ata që vijnë për të pirë nga një kafe këtu dhe të largohen menjëherë”, ka porositur Limaj.
Edhe kryetari i BD-së, Zafir Berisha, ftoi qytetarët e kësaj lagje, që të votojnë koalicionin Nisma për Kosovë-BD.
“Kjo lagje në etapa të ndryshme i ka dhënë mbështetje njerëzve të duhur që i kanë dhënë shumë vendi”, tha Berisha. /PrizrenPress.com/