Kryetari i Komunës së Prizrenit, Mytaher Haskuka sot së bashku me ministrin e Ministrisë së Zhvillimit Rajonal, Fikrim Damka kanë nënshkruar marrëveshje të bashkëpunimit për ndërtimin e Qendrës Kulturore Turke në Prizren.
Me këtë rast kryetari Haskuka ka deklaruar se pas përurimit të hapësirave të reja të Qendrës Kulturore Rinore në lagjen Ortakoll, tani po arrihet marrëveshja për ndërtimin e kësaj qendre, që së bashku me Qendrën Kulturore Boshnjake, do të shërbejnë për zhvillimin e aktiviteteve të ndryshme kulturo-artistike.
“Prizreni është kryeqendër e kulturës, ndërkaq këto objekte do të shërbejnë pasurimin e kësaj kulture për të gjihë qytetarët e komunës sonë”, tha kryetari Haskuka.