Trupi i pajetë artistes së madhe, Vaçe Zela, ka mbërritur sot, në orën 14:24, në Aeroportin e Prishtinës “Adem Jashari”.
Artistë, miq e shumë të tjerë kishin dalë të prisnin trupin e pajetë të artistes. Ndërkaq, edhe pse ishte paralajmëruar që të marrë pjesë ministri i Kulturës, Memli Krasniqi, ai nuk ishte prezent, shkruan Zëri.
Ndryshe, Vaçe Zela ndërroi jetë në moshën 74-vjeçare, pas një sëmundjeje të gjatë në Bazel të Zvicrës. Lajmi konfirmohet nga familjarët e saj në Zvicër.