2.1 C
Prizren
E diel, 30 Nëntor, 2025

Mbyllet suksesshëm edicioni i 21-të i Dokufest-it

Shpallja e fituesve dhe ndarja e çmimeve në Prizren mbylli perden e edicionit të 21-të Dokufest-it, festivalit ndërkombëtar të filmit dokumentar dhe atij të shkurtër.

Filmi më i mirë ballkanik është shpallur “Fabrika e punëtorëve” e Sërxhan Kovaçeviq, regjisor dhe kinematograf nga Zagrebi.

Ky film flet për punëtorët që në vitin 2005 morën fabrikën ITAS në Ivanac, një qytet jo shumë larg Varazhdinit në Kroacinë veriore, të cilët u bënë shembulli i vetëm i suksesshëm i vetë-menaxhimit të punëtorëve në Evropën post-socialiste.

Filmi më i mirë kombëtar është shpallur “Ka me kalu” nga Shqipëria, i Flonje Kodhelit. Çmimin e publikut e fitoi “Dashuria, markat gjermane dhe vdekja”, nga Cem Kaya, një autor gjerman me origjinë turke.

“A do të vijnë prindërit për të më pare” nga Mo Harawe nga Somalia u shpall më i miri në kategorinë ndërkombëtare të filmave të shkurtër.

I nominuari i Dokufestit-it për Akademinë Evropiane të Filmit (EFA) është ” “Kujtimet e një stuhie kthese” nga Sofia Georgovassili nga Greqia.

Drejtori artistik, Veton Nurkollari, tha për Radion Evropa e Lirë se është i kënaqur që e kanë kthyer formatin e festivalit ashtu siç ishte para pandemisë së koronavirusit.

“Ky festival ishte një nga më të suksesshmit dhe më të ndjekurit deri më tani”, tha ai.

Për nëntë ditë, në tetë kategori dhe dhjetë kinema, u shfaqën 270 filma. Nga ta, 109 filma garuan në të gjitha kategoritë.

Tema e festivalit ishte “Si të mbijetosh”.

Edicioni i 21-të i Dokufest-it u mbajt nga data 4 deri më 13 gusht në Prizren. /REL

Më Shumë

Tre lojtarë të Bashkimit thirren nga Përfaqësuesja e Kosovës

Bashkimi i Prizrenit ka bërë të ditur se tre prej lojtarëve të saj janë thirrur nga Përfaqësuesja e Kosovës në basketboll. Valon Bunjaku, Meriton...

Laurinë Gashi e argjendtë në Podgorica Junior European Cup 2025

Xhudistja kosovare Laurinë Gashi ka fituar medaljen e argjendtë në Podgorica Junior European Cup 2025. Laurinë ishte e lirë në xhiron e parë, në çerekfinale...

Lajmet e Fundit