-3.2 C
Prizren
E diel, 5 Shkurt, 2023

Mediat shqiptare publikojnë emrin e viktimës, raportojnë se dorasi dyshohet të jetë “Kobra”

Është zbardhur ngjarja e rëndë e ndodhur një natë më parë në Prizren, ku pas një konflikti në një lokal mbeti i vdekur një 31-vjeçar nga Kukësi.

Rrugës për në spital ka ndërruar jetë Visart Cengu me origjinë nga Kukësi, ndërsa ka mbetur i plagosur Rufgen Shehu, ky i fundit jashtë rrezikut për jetën.

Gazetarja Dorjana Bezat raporton se konflikti nisi për motive të dobëta në një lokal, ku tre të rinjtë nga Kukësi janë konfliktuar me një shqiptar të Kosovës me grushte dhe sende te forta. Pasi janë konfliktuar, ata janë nisur drejt Kukësit me një mjet që drejtohej nga Arben Basha.

Policia dyshon se drejt tyre ka qëlluar pronari i lokalit të natës teksa ata po largoheshin me automjet në drejtim të Kukësit.

Mësohet se tre të rinjtë nga Kukësi nuk kanë patur armë me vete dhe nuk ka patur përplasje me armë.

Dy të rinjtë nga Kukësi akuzojnë Dibran Hoxhajn si autor të ngjarjes së rëndë.

Ndërkohë, grupi hetimor vijon veprimet procedurale për llogari të Policisë së Kosovës, për zbardhjen e plotë të rrethanave të ngjarjes.

Ndërkohë, zëdhënësi i policisë rajonale të Prizrenit, Shaqir Bytyqi, konfirmon për Gazetën Express nisjen e intervistimit të stafit të lokalit “Kobra City” dhe dëshmitarëve okularë, për shkak të informacioneve se në orët e para të mëngjesit të sotëm aty pati gjuajtje me armë zjarri dhe për pasojë vdiq një person dhe u plagos një tjetër, të dy nga Kukësi.

Zëdhënësi i policisë Rajonale të Prizrenit, Shaqir Bytyqi, tha se aktualisht po intervistohet stafi i lokalit.

“Kryesisht stafi i loakalit është duke u intervistuar dhe dëshmitarët okluarë”, tha Bytyqi.

Si pasojë e të shtënave me armë zjarri, policia shqiptare ka njoftuar vdekjen e 31-vjeçarit me iniacialet V. C., dhe plagosjen e R. Sh., 27 vjeç, të dy nga Kukësi. Të njëjtit po barteshin me automjet nga shtetasi A.B., në drejtim të spitalit rajonal të Kukësit.

Sipas informacioneve të para 31-vjeçari vdiq rrugës për në spital, teksa i plagosuri po qëndron nën kujdesin e mjekëve. Sipas policisë së Shqipërisë, dyshohet se ngjarja tragjike ka ndodhur pas një konflikti në lokal me disa shtetas kosovarë./Gazeta Express

Më Shumë

U përkujtua 33 vjetori i masakrës së Malishevës

Sot, u bënë 33 vite nga ngjarja më e rëndë e vitit 1990 në Malishevë, ku ranë dëshmorë Ali Kryeziu dhe Hisni Mazreku, ndërsa...

Rritet numri i të vdekurve pas sulmit në një xhami në Pakistan

Numri i të vdekurve është rritur në të paktën 87 persona pas një sulmi vetëvrasës në një xhami që kishte në shënjestër policët në...

Lajmet e Fundit