Kryetari i Partisë së Lirisë, Ilir Meta ka zhvilluar takim me kryedemokratin Sali Berishë në selinë blu në kuadër të zgjedhjeve vendore të 14 majit.
Ai theksoi se më 15 maj shumica e bashkive do të jenë të drejtuara nga opozita.
“Në datën 15 maj shumica e kryetarëve të bashkive në gjithë Shqipërinë i përket ndryshimit dhe opozitës të bashkuar dhe pa asnjë diskutim e shumica dërrmuese e këshillave bashkiakë do i përkasë opozitës”, tha ai.
Asociation “Loyola–Gymnasium” shpall konkurs për regjistrimin e nxënësve të rinj
Duket se zgjedhjet e 14 majit do të jenë një përsëritje e atyre të vitit të kaluar, të paktën për situatën e krijuar në PD.
Edhe pse pranuan se do të futen në zgjedhje me koalicion, demokratët e Berishës ende deklarojnë se ka vetëm një PD.
Madje ata kanë miratuar edhe rezoluta që dënojnë veprimet e Enkelejd Alibeajt dhe ish-kryetarit demokrat, Lulzim Basha.
Ky i fundit dhe pse i deklaruar si i dorëhequr ende nuk e ka zyrtarizuar atë. Pra ligjërisht ai është në krye të Partisë Demokratike derisa Gjykata ta regjistrojë dorëheqjen.
Duke lënë pas situatën e krijuar në PD, në KQZ është regjistruar Partia Socialiste dhe Partia e Lirisë, e cila futet sërish në lojë.
Ajo është partia më e mundshme me të cilën Berisha mund të realizojë koalicionin.
Albanian Post